Communicaziun a las medias

Di dallas migrantas e dils migrants 2021: « Sin via ad in Vus adina pli grond »

Ils 26 da settember 2021 festivein nus communablamein cun tuttas catolicas e tuts catolics digl entir mund il 107avel di dallas migrantas e dils migrants. Uonn stat el sut il motto: „Sin via ad in Vus adina pli grond”. (Documentaziun e formular d’empustaziun).

Papa Francestg animescha nus en siu messadi pil di dallas migrantas e dils migrants, da “unir adina puspei danovamein la famiglia dalla carstgaunadad, per saver ereger communablamein in futur en giustia e pasch e da procurar che negin stoppi star dalla vart”. Leutier savein nus far di per di pigns pass ed era gronds.

Quei che pertucca la Baselgia (universala) e societad ha il Papa avon egls in adina pli grond Nus, “ina cuminonza ella diversitad che cumpeglia tuts. Cheutras fa il motto dad uonn per il di dallas migrantas e dils migrants ina punt tier il niev concept general dalla pastoraziun da migrantas e migrants dalla conferenza dils uestgs svizzers e dalla conferenza centrala roman-catolica. Era quel ha en mira ina unitad vivida ella diversitad ed ina convivenza interculturala.

La collecta per quei di – obligatoria ell’entira Svizra – sustegn proiects socials el Mosambic ed ell’Tansania, mo era missiuns e proiects d’auters lungatgs e da migraziun en Svizra. migratio, il post da survetsch dalla Conferenza dils uestgs svizzers, migrants e carstgauns sin fuigia engrazian a tuttas donaturas e tuts donaturs gia ussa per lur sustegn.

Contact
Karl-Anton Wohlwend, Directur naziunal migratio, karl-anton.wohlwend@migratio.ch, Tel. +41 26 510 15 37